La liganing noyabr oyidagi eng yaxshi o'yinchisi aniqlandi

«Atletiko» hujumchisi Joau Felish Ispaniya chempionatining noyabr oyidagi eng yaxshi o'yinchisi deb tan olindi.

21 yoshli futbolchi o'tgan oyda La liga doirasida 4ta o'yinda maydonga tushib, 4ta gol urdi hamda hozirda Luis Suares bilan birgalikda jamoaning eng yaxshi to'purari bo'lib turibdi.

Noyabr oyining eng yaxshi futbolchisi nomiga, shuningdek, Xaume Domenek («Valensiya»), Mikel Oyarsabal («Real Sosedad»), Yussef En-Neseriy («Sevilya»), Edgar Badiya («Elche») va Markos Andre («Volyadolid») ham da'vogarlik qilishgandi.