«Napoli» o'z stadioni nomini o'zgartirdi

Neapol shahri hokimiyati "Napoli" klubiga qarashli "San-Paolo" stadioni nomini o'zgartirdi. O'yingohga klubning sobiq yulduzi Diego Maradona nomi berildi.

Shahar hokimiyatining bu boradagi qaroriga shahar kengashining barcha a'zolari imzo chekishdi. Rasmiy hujjatda Maradona barcha zamonlarning eng yaxshi futbolchisi sifatida yozib qo'yildi.

Eslatib o'tamiz, Maradona 1984-1991 yillarda "Napoli" sharafini himoya qilgan. Bu vaqt ichida u ikki karra Italiya chempioni (1986/87, 1989/90), bir martadan Italiya kubogi va mamlakat superkubogi sovrinini qo'lga kiritgan. Shuningdek, Diego mavsum-1988/89da UEFA kubogi sohibiga aylanan.