«Real» Maurisio Pochettino bilan dastlabki muzokarani o'tkazdi

«Real» rahbariyati «Tottenxem» klubi sobiq bosh murabbiyi Maurisio Pochettino bilan dastlabki muzokaralarni o'tkazdi. Bu haqda Sport.es xabar tarqatdi.

Manbaga ko'ra, "Qirollik klubi" vakillari argentinalik mutaxassisga qo'ng'iroq qilib, agar Zidan iste'foga chiqarilsa, u jamoani boshqarishga tayyor yoki tayyor emasligini so'rashdi.

Avvalroq, agar "Real" Evropa chempionlar ligasi pley-off bosqichi yo'llanmasini qo'lga kirita olmasa, Zidan iste'foga chiqarilishi haqida xabar tarqalgan edi.

48 yoshli Pochettino 2014-2019 yillarda «Tottenxem»ni boshqarib, iste'foga chiqqan edi. Shundan beri u ishsiz yuribdi.