"Atalanta" rahbariyati bosh murabbiy bilan janjallashgan futbolchini jazolamaydigan bo'ldi

Italiyaning «Atalanta» klubi yarim himoyachisi va sardori Alexandro Gomes jamoa bosh murabbiyi Jan Pero Gasperini bilan janjallashgani sababli, jarimaga tortilmaydigan bo'ldi. Bu haqda Football Italia nashri xabar bermoqda.

Tomonlar EChLning 5- tur doirasida «Midtyulland» (1:1) jamoasiga qarshi o'tkazilgan o'yinning 1-bo'limida tortishib qolgandi. Gasperini futbolchidan maydondagi joyini o'zgartirishni talab qilgan, biroq, futbolchini buni rad etgan. Tomonlarning mojarosi tanaffus paytida kiyinish xonasida ham davom etgan, yakunda Gasperini Gomesni tanaffus paytida almashtirib yuborishga qaror qilgan.