"Napoli" hujumchisi Madridga yo'l olishi mumkin

Italiyaning «Napoli» klubi hujumchisi Arkadiush Milik uchun navbatdagi xaridor paydo bo'ldi. Gap Madridning «Atletiko» klubi haqida ketmoqda. Madridliklar polshalik hujumchini qishki transfer bozorida qo'lga kiritishmoqchi.

Avvalroq Milikka Rimning «Roma» klubi faol qiziqish bildirgandi. Shuningdek, unga «Tottenxem» va «Inter» klubidan ham takliflar bor.

Polshalik hujumchining «Napoli» klubi bilan amaldagi shartnomasi yakunlanib bormoqda. Agar neapolliklar Milikning transferidan pul ishlab olishni xohlashsa, u holda qishda sotib yuborishlari kerak, aks holda u yozda erkin agentga aylanadi.