Istanbul dramasi: «Leyptsig» 7 ta gol urilgan o'yinda «Istanbul Bashakshehir»ni taslim qildi

Evropa Chempionlar Ligasining 5-turidan o'rin olgan ikki o'yin 2 dekabr, chorshanba kuni bo'lib o'tdi.

«Leyptsig» jamoasi safarda «Istanbul Bashakshehir»ga qarshi bahs olib bordi. Uchrashuvning 26-daqiqasida Yusuf Poulsen nemislarni oldinga olib chiqqan bo'lsa, bo'lim so'ngida Nordi Mukiele mehmonlarning ikkinchi golini urdi. Birinchi bo'limga hakam tomonidan qo'shib berilgan vaqtda Irfon Jan Kahveji jarima maydoni tashqarisidan aniq zarba yo'llagan holda hisobni qisqartirdi.

66-daqiqada Dani Olmo hisobni 3:1 ko'rinishiga keltirdi. 72-daqiqada Kahveji yana bir chiroyli goli bilan turklarning ikkinchi goliga muallif bo'ldi. 85-daqiqada esa Irfon jarima zarbasini qoyilmaqom ijro etib, muvozanatni tikladi. Biroq «buqalar» hakam tomonidan qo'shib berilgan vaqtda Aleksandr Syorlotning goli evaziga g'alabani ilib ketdi.

«Leyptsig» ushbu g'alabadan keyin ochkolarini 9 taga etkazib olgan holda 2-o'ringa ko'tarildi. «Instanbul» esa 3 ochko bilan 4-pog'onada bormoqda.

«Krasnodar» o'z maydonida «Renn»ni qabul qildi va Markus Bergning 71-daqiqadagi goli evaziga g'alaba qozondi. Bu esa rus klubiga 3-o'rinni kafolatladi va «Krasnodar» Evropa Ligasi 1/16-finaliga yo'llanma oldi.

Chempionlar ligasi, 5-tur
2 dekabr, chorshanba

«Istanbul Bashakshehir» Turkiya — «Leyptsig» Germaniya 3:4
Gollar: 0:1 – 26 Poulsen, 0:2 – 43 Mukiele, 1:2 – 45+3 Kahveji, 1:3 – 66 Olmo, 2:3 – 72 Kahveji, 3:3 – 85 Kahveji, 3:4 – 90+2 Syorlot.
«Istanbul»: Gyunok, Shkrtel (Epuryanu, 46), Bolingoli-Mbombo (Shadli, 36), Karlush Ponk, Rafael, Tyuryuch, Vishcha (Juliano, 64), O'zjan (Tekdemir, 46), Kahveji, Ba, Gulbrandsen (Krivelli, 84).
«Leyptsig»: Gulachi, Upamekano, Mukiele, Anxelinyo, Konate, Aydara (Orban, 90), Olmo (Klyuyvert, 88), Kampl (Adams, 46), Zabittser, Forsberg (Syorlot, 65), Poulsen.
Ogohlantirishlar: Shkrtel (38), Upamekano (53), Tyuryuch (57), Olmo (67), Tekdemir (78), Rafael (89).

«Krasnodar» Rossiya — «Renn» Frantsiya 1:0
Gol: 1:0 – 71 Berg.
«Krasnodar»: Safonov, Martinovich, Smolnikov, Ramires, Pantaleao, Kabella, Vilena, Gazinskiy (Kambolov, 87), Klasson, Vanderson (Suleymanov, 65), Berg (Ari, 90).
«Renn»: Salen, Da Silva, Traore, Tryuffer, Nyamsi, Burijo (Gboo, 73), Lea Siliki (Grene, 65), Kamavinga (Te, 82), Nzonzi, Doku, Yunu (Nyang, 65).
Ogohlantirishlar: Nzonzi (22), Ramires (23), Vanderson (28), Lea Siliki (53).