Keyrush Kolumbiya terma jamoasidan iste'foga chiqarildi

Karlush Keyrush Kolumbiya terma jamoasi bosh murabbiyi lavozimini tark etdi. Kolumbiya futbol federatsiyasi matbuot xizmati tarqatgan xabarga ko'ra, 67 yoshli mutaxassis bilan shartnoma ikki tomonning o'zaro kelishuvi natijasida bekor qilingan.

«Deyarli ikki yil davomida portugaliyalik mutaxassis bilan ishlash sharafli bo'ldi. Bu vaqt davomida u o'z bilimi va tajribasi bilan o'rtoqlashdi. Biz professor Karlush Keyrushning keyinga faoliyatida omadlar tilaymiz», — deyiladi bayonotda.

Keyrush 2019 yilning fevral oyida Kolumbiya terma jamoasi bosh murabbiyi etib tayinlangan edi. Bungacha u 8 yil davomida Eron terma jamoasini boshqargan.

Manba: sport24.ru