APL. «Aston Villa» - «Nyukasl» o'yini rasman boshqa muddatga qoldirildi

Angliya chempionatining 11-turidan o'rin olgan «Aston Villa» va «Nyukasl» jamoalari o'rtasidagi o'yin boshqa muddatga qoldirildi.

Aslida o'yin 4 dekabr kuni Birmengem shahrida o'tkazilishi kerak edi, ammo "qarg'alar"ning 3 nafar futbolchisi va bir xodimida COVID-19 aniqlangani uchun bahs bekor qilindi.

"Nyukasl" koronavirusning klub ichida keng tarqalib ketishining oldini olish maqsadida APLga murojaat qilib, o'yinni boshqa muddatga ko'chirishni so'radi. Hozirda klub bazasi yopilgan bo'lib, butun jamoa o'zini yakkalash hayot tarziga o'tkazilgan. Jamoa juma kuni bo'ladigan uchrashuvga tayyorgarlik ko'rishga ulgurmaydi. APL esa klub murojaatiga ijobiy javob qaytardi.