Morata 2ta o'yinga diskvalifikatsiya qilindi. U «Jenoa»ga qarshi o'yinda ishtirok etmaydi

«Yuventus» hujumchisi Alvaro Morata A seriyaning 2ta o'yiniga diskvalifikatsiya qilindi.

Ispaniyalik o'yinchi "Benevento"ga qarshi uchrashuv so'ngida hakam sha'niga nomaqbul so'zlarni aytgani uchun qizil kartochka bilan "siylangan" edi. Tartib-intizom qo'mitasi ishni o'rganib chiqib, Morataga 2ta o'yin "berdi". Shu tariqa, u «Torino» va «Jenoa»ga qarshi o'yinda ishtirok eta olmaydi.

Alvaro Morata joriy mavsumda "Yuve" safida 11ta o'yinda maydonga tushib, 8ta gol urdi va 3ta golga uzatma berdi.