"Atalanta" ustozi: "O'yinni qiyin o'tishini kutyapman"

Italiyaning "Atalanta" klubi ustozi Jan Pero Gasperini EChL doirasida «Midtyulland»ga qarshi bo'lib o'tadigan uchrashuv haqidagi fikrlari bilan o'rtoqlashdi.

«Biz faqat o'z o'yinimizga e'tibor qaratishimiz kerak. Biz Daniya chempionatining bugungi kundagi etakchisiga qarshi o'ynaymiz. Raqibimiz g'oliblik mentalitetiga ega, bu biz uchun nihoyatda qiyin bo'ladi. Men qiyin o'yinni kutmoqdaman.

Afsuski, men Pashalich, Malinovskiy va Miranchukga umid bog'lay olmayman. Ularning barchasi Perluiji Gollini singari o'yinga tayyor emas. Ammo Robin Gosens bugun safimizda bo'ladi.

Bizning maqsadimiz har doim o'z o'yinlarimizda g'alaba qozonishni istashimizdan kelib chiqadi. Ammo "Liverpul" va "Ayaks" bilan o'yinlardan keyin buni amalga oshirish unchalik oson emas. Ushbu uchrashuvda biz o'z oldimizga qo'yilgan vazifalarni bajarish uchun qo'limizdan kelganicha harakat qilamiz", - dedi Jan Pero Gasperini.