"Bavariya" futbolchisi: "Ispaniyadagi har bir o'yin men uchun muhim o'rin tutadi"

Germaniyaning "Bavariya" klubi yarim himoyachisi Xavi Martines "Atletiko" klubiga qarshi bo'ladigan o'yindan oldin o'zining sport formasi haqida fikr bildirdi.

"Shtutgart"ga qarshi o'yinda zahiraga olishlarini o'zim so'radim. Oyog'imda muammo paydo bo'lgandi, hozir ancha yaxshi. Umid qilamanki, "Atletiko"ga qarshi o'yinga yuz foiz tayyor bo'laman.

Ispaniya klublariga qarshi har bir o'yin men uchun alohida ahamiyat kasb etadi. Men hali "Atletiko"ning yangi stadionida o'ynamadim. Agar ushbu stadion "Kalderon" kabi yaxshi bo'ladigan bo'lsa, u holda ajoyib stadion ekanligiga shubha qilmayman", - dedi ispaniyalik futbolchi UEFA rasmiy saytiga.