"Inter" Lautaroning o'rniga hujumchi topdi

Agar argentinalik hujumchi Lautaro Martines Italiyaning "Inter" klubini tark etadigan bo'lsa, u holda milanliklar "Vulverxempton" hujumchisi Raul Ximenesni o'z safiga qo'shib olish variantini ko'rib chiqishi mumkinligi haqida Calciomercatoweb sayti xabar bermoqda.

Meksikalik 29 yoshli futbolchi "Vulverxempton" tarkibida 11 ta uchrashuvda maydonga tushib, 4 ta gol kiritishga muvaffaq bo'ldi.

Avvalroq, argentinalik futbolchi jamoasini o'zgartirish uchun taniqli futbol agenti Jorje Mendesh bilan hamkorlikni boshlagani haqida xabarlar tarqatilgandi.

Eslatib o'tamiz, Raul Ximenes kecha "Arsenal" jamoasiga qarshi bo'lib o'tgan uchrashuvda David Luis bilan to'qnashib ketib, jiddiy jarohat olgandi va bugun muvaffaqiyatli operatsiya qilindi.