"Liverpul" himoyachi xarid qilmoqchi

"Liverpul" "Sporting" himoyachisi Nunu Mendesh xizmatiga qiziqish bildirmoqda. Bu haqda Portugaliya matbuoti yozmoqda.

Manbaning xabariga ko'ra, mersisaydliklar futbolchi atrofidagi voqealarni diqqat bilan kuzatmoqda. Agar 18 yoshli futbolchi "Sporting" bilan yangi shartnoma imzolamasa, "qizillar" darhol unga taklif yuborishadi. Portugaliya klubi futbolchi transferidan kamida 45 million evro ishlab olmoqchi. 

Eslatib o'tamiz, Nunu uchun shuningdek, "Milan" va "Manchester Yunayted" klublari ham qiziqish bildirmoqda.