"Borussiya" ustozi: "Xolandni dunyo yulduzi deb aytishga hali erta"

Dortmundning "Borussiya" klubi bosh murabbiyi Lyusen Favr Bundesliganing 9-turidan "Kyoln" (1:2) jamoasiga qarshi o'yindan keyingi fikrlari bilan o'rtoqlashdi.

"Erlingda bugun etarlicha harakat yo'q edi, u tez-tez chuqurroq harakatlanishi kerak edi. Menimcha, Xolandni dunyo yulduzi deb atashga hali erta. "Kyoln"ga qarshi uchrashuvda qayd etilgan natijadan nihoyatda hafsalamiz pir bo'ldi. Biz umuman boshqacha natijaga umid qilgandik. Ushbu uchrashuvda ochkosiz qolganimizga toqat qilish qiyin », - dedi Lyusen Favr.