"Vulverxempton" sardori: "Barchamiz Ximenesdan qattiq xavotir oldik"

Angliya chempionatining 10-tur doirasida bo'lib o'tgan "Vulverxempton" hamda "Arsenal" (2:1) jamoalari o'rtasidagi bahsda "bo'rilar" futbolchisi Raul Ximenes jiddiy jarohat olib, stadionni tez tibbiy yordam mashinasida tark etdi. Ushbu voqea haqida "Vulverxempton" sardori Konor Kodi o'z fikrini bildirdi.

«Biz kiyinish xonasiga kirishimiz bilan darhol shifokordan Raulning ahvoli qay darajada ekanligini so'radik. Hammamiz hujumchimizdan juda xavotirda edik. Ushbu holat jamoadoshimizning sog'lig'i haqida tashvishlantirdi. To'qnashuv shunchaki dahshatli edi. Ammo biz uning tezda tuzalishiga ishonamiz. Men voqeadan bir metr nariroqda edim. Buni eslashni xohlayman.

Hozir eng muhimi, ikkala futbolchi ham normal holatda. Raul bilan birga bo'lgan mutaxassislar unga yordam berishiga shubham yo'q. U allaqachon xushiga keldi, sun'iy nafas etkazib beruvchi niqobdan voz kechib, muloqot qilishni boshladi", - dedi Konor Kodi.