«Tottenxem» Eriksen o'rniga munosib o'rinbosar topib qo'ydi

Londonning “Tottenxem” klubi yarim himoyachisi Kristian Eriksen o'rniga futbolchi topib qo'ydi. Bu haqda The Times nashri xabar tarqatdi.

Manbaning xabariga ko'ra, “shporlar” jamoaning etakchilaridan biri o'rnini “Lester”ning 22 yoshli futbolchisi Jeyms Meddison bilan to'ldirmoqchi.

Ta'kidlab o'tamiz, “tulkilar” futbolchisini 68 million evrodan kamiga qo'yib yubormoqchi emas.

Eslatib o'tamiz, joriy mavsum futbolchi 25 ta o'yinda maydonga tushib, 5 ta gol urgan va 4 ta golga assistentlik ham qilgan. Uning klub bilan amaldagi shartnomasi 2023 yilgacha mo'ljallangan.