«Arsenal» so'nggi 39 yil ichidagi eng yomon start namoyish etdi

«Arsenal» Angliya premer-ligasining 10-turi doirasida o'z maydonida «Vulverxempton»ni qabul qilib, 1:2 hisobida imkoniyatni boy berdi.

Ushbu mag'lubiyat tufayli "kanonirlar" hisobidagi ochkolar soni (13) o'zgarmay qoldi va jamoa jadvalda 14-pog'onani egallab turibdi. Bu esa londonliklar tarixida so'nggi 39 yil ichidagi eng yomon start hisoblanadi.

«Arsenal» mavsum-1981/82da dastlabki 10ta o'yindan so'ng 12 ochko jamg'argan edi. O'sha mavsum yakunida jamoa 5-o'rinni egallagan edi.

Roppa-rosa bir yil avval "kanonirlar" qoniqarsiz natija tufayli bosh murabbiy Unai Emerini iste'foga chiqargan edi. O'sha paytda klub 13ta turdan keyin 18 ochko bilan jadvalda 8-pog'onani band etib turgan edi.