A seriya. «Milan» «Fiorentina»ni mag'lub etib, peshqadamlikni mustahkamladi

«Milan» Italiya chempionatining 9-turi doirasida «Fiorentina»ni qabul qilib, ishonchli g'alabani qo'lga kiritdi.

Bahsning 17-daqiqasida Romanoli hisobni ochgan bo'lsa, oradan 10 daqiqa o'tib Frank Kessie penaltidan hisobdagi farqni oshirdi.

Uchrashuvning 40-daqiqasida VAR yordamida mehmonlar darvozasi tomon yana bir penalti belgilandi. Kessie tomonidan yo'llangan bu galgi zarbani "Fiorentina" posboni qaytarishga muvaffaq bo'ldi.

Ikkinchi bo'limda jamoalarda golga tortadigan bittadan imkoniyat yuzaga keldi. Cholhono'g'lining zarbasidan keyin to'p ustunga tekkan bo'lsa, Riberi yakkama-yakka vaziyatda Donnarummani dog'da qoldira olmadi.

Ushbu g'alabadan keyin "Milan"ning ochkolari 23taga etdi hamda "rossoneri" ta'qibchilar bilan farqni 5 ochkoga etkazdi.

Italiya A seriyasi, 9-tur
Milan – Fiorentina 2:0 (2:0, 0:0)
Gollar: 1:0 – 17 Romanoli, 2:0 – 27, penalti Kessie.
Milan – Donnarumma, Teo, Kalabriya, Romanoli, Ker, Tonali (Xeuge, 82), Chalxanoglu, Rebich, Kessie, Braim Dias (Krunich, 75), Salemakers (Diogu Dalot, 90).
Fiorentina – Drongovski, Petstselya, Kaseres (Lirola, 60), Biragi, Milenkovich, Kastrovilli (Valero, 77), Riberi (Kutrone, 68), Amrabat, Pulgar, Kalexon (Bonaventura, 46), Vlaxovich (Kuame, 77).
Ogohlantirishlar: Petstselya (25), Rebich (45), Kastrovilli (52), Kessie (71), Biragi (86), Amrabat (90).