Neymar «PSJ» safida Ibrahimovich o'rnatgan rekordni yangiladi

«PSJ» hujumchisi Neymar Frantsiya chempionatining 12-turidan o'rin olgan «Bordo»ga qarshi o'yinda (2:2) bitta gol muallifiga aylandi.

Ushbu gol braziliyalik futbolchi uchun Liga 1 doirasida "Pari Sen Jermen" safidagi 50-gol bo'ldi. 28 yoshli futbolchi ushbu natijaga 58ta o'yinda erishdi. Bungacha "PSJ" safida Frantsiya chempionati doirasida dastlabki 50ta to'pni Zlatan Ibrahimovich eng tez kiritgan edi (59ta o'yin).

Liga 1'ning so'nggi 70ta mavsumida bunday dovonni ikik futbolchi tezroq zabt etgan — Gunnar Andersson (53 o'yin) va Yosip Skoblar (54ta uchrashuv). Har ikki futbolchi ushbu gollarni «Marsel» safida urishgan.