"Diego Maradona" filmi rejissyori: "Ronaldu? U shaxs emas-ku?!"

2008 yili "Diego Maradona" filmini suratga olgan rejissyor Emir Kusturitsa Krishtianu Ronaldu haqida filmni suratga olish qiziqarli emasligini ta'kidladi.

Jurnalistlar rejissyordan futbolchilar haqida yana film suratga olish niyatidamisiz, deb so'rashganida, u shunday javob qaytardi:

«Yo'q, bunday reja yo'q. Ronaldu? U ideal, ko'p mablag' ishlab topgan, lekin qani uni shaxsi? U qanday qiziqarli narsalarni aytib bera oladi? U barcha narsani aytib bo'lgan. Shunday ekan, nima keragi bor u haqida filmni suratga olishni?» — dedi Emir Kusturitsa.

2008 yili Kusturitsaning "Diego Maradona" filmi premerasi bo'lib o'tgan.