Mahrez — APLda «gol+pas» bo'yicha 100 ball to'plagan oltinchi afrikalik futbolchi

Angliya chempionatining 10-turi doirasida «Manchester Siti» o'z maydonida «Byornli»ni qabul qilmoqda. "Shaharliklar" birinchi bo'limdan so'ng raqib darvozasiga 3ta to'p kiritishgan bo'lsa, ularning ikkitasi Riyod Mahrez hisobiga yozildi.

Ushbu gollar natijasida jazoirlik futbolchining APL doirasidagi umumiy gollari soni 60taga etdi. Bundan tashqari, Riyod 41ta golga assistentlik qilganini inobatga olsak, uning Premer-ligada "gol+pas" tizimi bo'yicha ochkolari 101taga etdi.

Mahrez ushbu marrani zabt etgan oltinchi afrikalik futbolchiga aylandi. Shu paytgacha Dide Drogba, Yakubu Ayegbeni, Emmanuel Adebayor, Sadio Mane va Muhammad Saloh APLda yuzlik dovonni bosib o'tishgan edi.

Make that 101 now. https://t.co/BtsBILJA68