Prevyu. 25-tur. «Bunyodkor» — «Nasaf»

Superligadagi o'rnini mustahkamlash uchun harakat qilayotgan «ajdarlar» Superliganing 25-turida yana bir poytaxt jamoasi «Bunyodkor» bilan kuch sinashadi. Bellashuv 29 noyabr kuni soat 14:30 «Bunyodkor» stadionida bo'lib o'tadi.

O'zaro uchrashuvlar tarixidan

Ushbu jamoalar O'zbekiston chempionatida shu kungacha 27 bor kuch sinashishgan. Ustunlik «qaldirg'ochlar» tomonida. Bo'lib o'tgan 13 uchrashuvda mezbonlar, 4 o'yinda esa vakillarimiz zafar quchishgan. 10 uchrashuvda esa durang natija qayd etilgan.

To'plar nisbati 40:20 ga teng.

O'zaro uchrashuvlarda qayd etilgan eng yuqori hisoblar bir xil ko'rinishda: «Bunyodkor» – «Nasaf» 5:0, “Nasaf” – «Bunyodkor» 3:1.

Jamoalar so'nggi o'zaro uchrashuvni 2020 yili 24 avgust kuni Toshkentda «Paxtakor» stadionida o'tkazgan. Bu uchrashuvda tomonlar murosa ko'chasini tanlashgan — 2:2.

E'tiboringizga, jamoalar ishtirokidagi so'nggi besh uchrashuvning natijalarini havola qilamiz:

24.08.2020 Nasaf — Bunyodkor 2:2

11.08.2019 Nasaf — Bunyodkor 3:1

16.06.2019 Bunyodkor — Nasaf 1:1

11.08.2018 Nasaf — Bunyodkor 1:4

04.05.2018 Bunyodkor — Nasaf 2:1