FIFA barcha 211 milliy assotsiatsiyalardan Maradona xotirasi uchun bir daqiqalik sukut saqlashni so'radi

FIFA o'z tarkibiga kiruvchi barcha 211 milliy futbol assotsiatsiyalariga murojaat yo'llab, kuni kecha vafot etgan argentinalik futbol afsonasi Diego Maradonani hurmat bilan yodga olishni so'radi.

«Futbol olami Diego Armando Maradonaning vafotidan qayg'uga tushdi. Bugun FIFA barcha 211ta milliy assotsiatsiyalarga murojaat qilib, musobaqa tashkilotchilaridan har bir o'yin oldidan Maradonaning xotirasi uchun bir daqiqalik sukut saqlash tadbirini o'tkazishni so'radi», – deyiladi FIFA bayonotida.