«Inter» Eriksenning narxini ma'lum qildi

"Inter" rahbariyati yarim himoyachi Kristian Eriksenni sotishga tayyor. Bu haqda "Football Italia" xabar tarqatdi.

Manbaga ko'ra, "neradzurri" daniyalik futbolchini 30 mln evroga sotmoqchi. Shuningdek, milanliklar Eriksenni boshqa o'yinchiga almashtirish variantini ko'rib chiqishga ham tayyor.

Kristian 2020 yilning yanvar oyida "Inter" safiga o'tgan edi. Joriy mavsumda u 8ta o'yinda maydonga tushdi.