Noyer: "Har doim ham o'z darvozangni dahlsiz saqlay olmaysan"

Myunxenning "Bavariya" klubi darvozaboni Manuel Noyer EChL doirasida "Zaltsburg" klubi ustidan qo'lga kiritilgan g'alaba haqidagi fikrlari bilan o'rtoqlashdi.

"Men uchun eng asosiysi - EChLning guruhdagi to'rtta o'yinini barchasida g'alaba qozondik. Bizning guruh peshqadamiga aylanishimiz - to'g'ri yo'lda tashlangan shahdam qadamdir. Uchrashuv taqdirini hal qilishimiz uchun ikkinchi bo'limda o'yinimizni keskin kuchaytirishimiz kerak edi. Bugun "Zaltsburg"dek kuchli klubga qarshi o'ynadik va bunday vaziyat "Verder"dek jamoaga qarshi o'yinda ham sodir bo'lishi mumkin. Himoya doim "nolga" o'ynashni xohlaydi, biroq, buni doim ham uddalab bo'lmaydi", - Noyerning so'zlaridan iqtibos keltirmoqda klub matbuot xizmati.