"Everton" "Tottenxem"ning uchta futbolchisini o'z safiga qo'shib olmoqchi

"Everton" qishki transfer oynasida "Tottenxem"ning uch futbolchisi bilan jamoani kuchaytirishi mumkin, deb xabar berdi Football Insider nashri.

Manbaning xabariga ko'ra, gap darvozabon Paulo Gassaniga va yarim himoyachilar Harri Uinks va Dele Alli haqida ketmoqda. Uchalasi ham Joze Mourino qo'l ostida etarlicha o'yin amaliyotiga ega bo'lmayapti.

Eslatib o'tamiz, Premer-liganing ushbu mavsumida 28 yoshli argentinalik darvozabon maydonga tushmadi, 24 yoshli Uinks 4ta o'yin o'tkazdi, 24 yoshli Alli esa 2ta o'yinda maydonga tushdi.