Millatlar ligasi. O'tkazilmay qolgan Shveytsariya - Ukraina o'yini bo'yicha qaror qabul qilindi

Bugun, 25 noyabr kuni UEFA tartib-intizom qo'mitasining yig'ilishi o'tkazildi. Unda Millatlar ligasi doirasida o'tkazilmay qolgan Shveytsariya va Ukraina terma jamoalari o'rtasidagi o'yin taqdiri ko'rib chiqildi.

Yig'ilishda Shveytsariya va Ukraina tomonlariga o'z fikrlarini bildirish imkoniyat berildi. UEFA ukrainaliklar keltirgan dalillarni inobatga olmadi va ularga 0:3 hisobidagi texnik mag'lubiyat yozdi.

Eslatib o'tamiz, Ukraina terma jamoasi qarorgohida koronavirusga chalinganlar soni ko'paygani uchun Lyutsern mintaqasi shifokori Shveytsariya-Ukraina bahsini o'tkazishni taqiqlagan edi.

Ushbu qaror o'z kuchida qolsa, Ukraina terma jamoasi Millatlar ligasining "B" ligasiga tushib ketadi.

Manba: ua-football.com