"Barselona" himoyachisi: "Orzularim amalga oshganidan xursandman"

Kataloniyaning «Barselona» klubi himoyachisi Oskar Mingesa EChL doirasida «Dinamo» (4:0) klubiga qarshi o'yindagi debyuti haqida fikr bildirdi.

«Juda xursandman. Shuncha yillik mehnatdan so'ng, men dunyoning eng yaxshi klubi tarkibida EChLda ishtirok etishga va unda g'alaba qozonishga hamda orzularimni amalga oshirishga muvaffaq bo'ldim.

O'ynaymanmi yoki yo'qmi deb butun hafta davomida xavotir oldim, lekin maydonga tushishimni bilgach, juda xursand bo'ldim va g'alaba qozonish uchun xohish paydo bo'ldi.

Umid qilamanki, bu uzoq faoliyatimning boshlanishi», – dedi Mingesa.