O'zil Saudiya Arabistoni klubiga o'tishdan bosh tortdi

TyC Sports portalining tarqatgan ma'lumotiga qaraganda, Londonning «Arsenal» klubi yarim himoyachisi Mesut O'zil Saudiya Arabistonining «Al-Nasr» klubiga o'tishdan bosh tortdi.

Arablar 31 yoshli germaniyalik futbolchiga 5 million evro maoshli ikki yillik shartnoma taklif qilishdi, biroq, O'zil bu taklifga rozilik bermadi.

Xabarda aytilishicha, «Arsenal» oylik-maoshlarni qisqartirish uchun germaniyalik futbolchini sotish niyatida. O'zilning "to'pchilar" bilan shartnomasi kelasi yilning yozida yakuniga etadi.

Joriy mavsum O'zil bir marta ham maydonga tushmadi, hatto Evropa Ligasiga ro'yxatdan ham o'tkazilmadi.