Muhammadanas Hasanov: «Lokomotiv» bilan o'yinda faqat g'alaba uchun maydonga chiqamiz»
/ Kiritdi: BestMaster Ko'rilgan: 797
Coca Cola superligasining 24-turidan o'rin olgan “Qo'qon-1912” – “Lokomotiv” uchrashuvidan oldin “Qo'qon-1912” jamoasining iqtidorli yarim himoyachisi Muhammadanas Hasanov o'z fikrlarini bayon qildi.
— Muhammadanas, "Lokomotiv"ga qarshi o'yinga tayorgarlik qanday ketyapti? Bu o'yindan qanday natija kutyapsiz?
— "Lokomotiv" bilan bo'ladigan o'yinga tayyorgarlik , doimgidek bo'lyapti. Bosh murabbiyimiz barcha futbolchilardan o'z ishimizga vijdonan yondoshishimizni talab qilmoqdlar. Jamoamizdagi barcha futbolchilar bu mavsumda muxlislarni xursand qilish uchun, yuqori o'rinlardan birini qo'lga kiritish uchun astoydil harakat qilishyapti. Har bir o'yinda murabbiylarimizning ko'rsatmalariga to'liq amal qilgan holda ijobiy natija uchun kurashyapmiz. “Lokomotiv” bilan o'yinga keladigan bo'lsak, bu jamoani birinchi davrada yutganmiz. Bu safar ham maydonga faqat g'alabani ko'zlab tushamiz va buning uchun bor imkoniyatlarimizni ishga solamiz. To'g'ri “Lokomotiv” tarkibida juda kuchli futbolchilar jamlanishgan, lekin biz ham o'z o'yinlarimiz bilan har qanday jamoa bilan o'ynash mumkinligini isbotlab kelyapmiz. Chempionat oxiriga kelib hech qaysi o'yin oson o'tmayapti. Lekin biz o'z muxlislarimiz qarshisida o'ynaymiz . Muxlislarimizning qo'llab-quvvatlashlari bizga qo'shimcha kuch va shijoat beradi.
— Siz ko'plab o'yinlarda jarima zarbalarini amalga oshiryapsiz. "Loko"ga qarshi 1-davradagi o'yinda jarimadan gol ham urgan edingiz.
— Jamoamizda standart vaziyatlarning ustalari bo'lgan futbolchilar bor. Ayniqsa Murod aka Xolmuhammedov bu borada ancha tajribali futbolchi hisoblanadilar. Men bosh murabbiyimizdan hamda Murod akadan standart vaziyatlarni ijro etish bo'yicha ko'p jihatlarni o'rganib boryapman. O'yin vaqtida sardorimiz menga jarima zarbalarini ijro etish imkonini berib kelmoqdalar. Bundan keyingi o'yinlarda ham o'zimga beriladigan imkoniyatlardan to'liq foydalanishga harakat qilaman.
Ertadan keyin bo'ladigan o'yinga muxlislarimizni stadionga taklif qilaman. Biz esa ularni stadiondan yaxshi kayfiyatda qaytishlariga imkoni boricha harakat qilamiz.
Bosh sahifaga
194