FIFA vitse-prezidenti 5 yilga futbolga oid faoliyatdan chetlatildi

Afrika futbol konfederatsiyasi (CAF) prezidenti va FIFA vitse-prezidenti Ahmad Ahmad futbolga oid faoliyatdan chetlatildi, deya ma'lum qilmoqda FIFA matbuot xizmati.

Tartib intizom qo'mitasi 60 yoshli funktsionerni o'z lavozimini suiiste'mol qilishda, shuningdek, mablag'larni noqonuniy o'zlashtirishda aybdor deb topgan. Ahmad besh yil muddatga mahalliy va xalqaro futbolga oid faoliyatdan chetlatildi.

Bundan tashqari unga nisbatan 200 ming Shveytsariya franki miqdorida jarima ham belgilandi.