«Arsenal» so'nggi 34 yil ichidagi eng yomon natijasini qayd etdi

«Arsenal» Angliya premer-ligasining 9-turida «Lids»ga qarshi bahs olib bordi. «Elland Roud» stadionida o'tgan bahs 0:0 hisobidagi nursiz durang bilan yakun topdi.

«Arsenal» mavsum avvalidagi 9 ta turda 9 ta gol urdi. Bu jamoaning Angliya chempionati tarixida 1986/87 yilgi mavsumdan keyingi eng yomon natijasi bo'ldi.

Mazkur jamoalar Premer-liga doirasida 16 yil deganda ilk bor to'qnash keldi. 2003/04 yilgi mavsumda «kanonirlar» Terri Anrining pokeri evaziga «Lids»ni 5:0 hisobida taslim etgandi.

«Arsenal» 9-turdan keyin 13 ochko bilan 11-o'rinni egallab turibdi. Marselo Belsa jamoasi esa 11 ochko bilan 15-pog'onada bormoqda.

«Arsenal» keyingi turda «Vulverhempton»ga qarshi o'tkazadi. Bahs 29 noyabr kuni Londonda bo'lib o'tadi.

Manba: daryo.uz