Pro liga. «Dinamo» «Neftchi»ning Superligaga chiqishini so'nggi turga qoldirdi

Pro liga 19-turi doirasida «Neftchi» «Dinamo»ga qarshi maydonga tushib, juda muhim bahsda mag'lubiyatga uchradi.

Ushbu o'yindagi durang natija ham Farg'ona klubini Superligaga olib chiqqan bo'lardi. Ammo mezbonlar bahsda durang ham qayd eta olishmadi.

79-daqiqada Muhammadqodir Hamralievning bosh bilan yo'llagan zarbasi Samarqand klubiga azaliy raqibi ustidan muhim g'alabani keltirdi.

Shunga qaramay, «Dinamo» Superliga yo'llanmasi uchun kurashdan chiqqan bo'lsa-da, 3-o'ringa ko'tarilib oldi. «Neftchi» esa so'nggi 20-turda durang evaziga ham Superligaga chiqishi mumkin yoki «Turon»ning ushbu turda «Sho'rtan»ga qarshi ochko yo'qotishini kutishi kerak bo'ladi.

Qayd etish joiz, uch tur oldin ham «Dinamo» «Neftchi»ni Samarqandda 2:0 hisobida mag'lub etgandi.

Pro liga. 19-tur
23 noyabr (dushanba)
«Neftchi» - «Dinamo» 0:1
Hakam: Abdurashid Xudoyberganov
Gol: Muhammadqodir Hamraliev 79.
«Neftchi»: 35. Sherzod Abduraimov, 4. Mirjalol Ne'matov, 10. Islom Toshpo'latov, 17. Doston Toshmatov, 18. Javohir Rasulov, 20. Dilyorbek Ermatov, 27. Doston Avazbekov, 31. Pavel Smolyachenko, 34. Rustam Abduhamidov, 38. Umar Adhamzoda, 44. Shodiyor Hojimatov.
«Dinamo»: 30. Farhod Rahmatov, 5. Avaz Agaliev, 6. Bobur Qosimov (Suhrob Nurulloev, 55), 10. Amirjon Safarov (Sharofutdinov Shobirov, 71), 11. Damir Temirov, 14. Andrey Sidorov (Azamat Allaniyozov, 71), 19. Obid Jo'raboev, 21. Muhammadqodir Hamraliev, 26. Komil Sharofutdinov, 34. Shohruh Abdurahmonov, 78. Oybek Nurmatov (Iskandar Siddiqjonov, 80).