"Chelsi" hujumchisi: "Charchaganimni sezgandim, lekin so'nggi zarbani berishim shart edi"

Londonning «Chelsi» klubi hujumchisi Temmi Abraxam APL doirasida «Nyukasl» (2:0) ustidan qo'lga kiritilgan g'alaba haqida fikrlari bilan o'rtoqlashdi.

«Bizning kuchli nuqtamiz - tezkor qarshi hujumda ekanligini yaxshi bilamiz, shuning uchun men to'pni to'g'ri pozitsiyada kutishim kerak edi. Charchoq sezildi, lekin so'nggi zarbani berishim kerak edi. Men darvozabonni aldab o'tib gol kiritib, «Chelsi»ning barcha muxlislarini xursand qilmoqchi edim.

Biz uzoq vaqt bir to'p farqi bilan oldinda bo'ldik, lekin bu juda qaltis hisob ekanligini bilardik. O'yin oxirigacha 1:0 hisobini ushlab qola olmasligimiz borasida xavotir bor edi. Biroq, biz o'sha kecha yutishimiz shart ekanligini sezardik, shuning uchun ikkinchi golni kiritish uchun oldinga tashlandik.

Asosiy tarkibda ekanligimdan faxrlanaman. Etti yildan beri «Chelsi»da o'ynab kelyapman va qachonki maydonda bo'lsam 9-raqamning vazifalarini amalga oshiryapman», — dedi Temmi Abraxam.