"Roma" ustozi: "Jamoam har haftada g'alaba qozonishini xohlayman"

Rimning «Roma» klubi bosh murabbiyi Paulo Fonseka A Seriya doirasida "Parma" ustidan qo'lga kiritilgan g'alaba haqidagi fikrlari bilan o'rtoqlashdi.

«Ajoyib futbolchi namoyish etdik. Ayniqsa, birinchi bo'limda uchta gol kiritganimizdan so'ng yana ko'plab vaziyatlarga ega bo'ldik. Mening fikrimcha, bu «Roma»ning joriy mavsumdagi eng yaxshi o'yinlaridan biri bo'ldi. «Parma» ustidan ustunlikka erishdik va juda ko'plab vaziyatlarni yaratdik.

Men bir necha marotaba aytganman: Mxitaryan universal futbolchi. U o'zining vazifalarini a'lo darajada bajarmoqda, shu sababli uning ijrosidagi bunday o'yinlar meni hayron qoldirmaydi.

Yangi shartnoma meni aslo xavotirga solmaydi. Ayni paytda butun e'tiborim jamoaning o'yinlariga qaratilgan. «Roma» har haftada g'alaba qozonishini xohlayman», — dedi Paulo Fonseka.