«Milan» A Seriyada so'nggi marotaba qachon mag'lubiyatga uchraganini bilasizmi?

Italiyaning «Milan» klubi A Seriyaning 8-tur doirasida «Napoli» (3:1) klubi ustidan g'alaba qozondi.

Bugungi uchrashuvni koronavirus sababli o'tkazib yuborgan Stefano Pioli jamoasi joriy mavsumda hali bitta ham mag'lubiyatga uchramadi. Ularning A Seriyadagi so'nggi mag'lubiyati shu yilning 8 mart kuni «Jenoa» (1:2) klubiga qarshi o'yinda ro'y bergandi.

O'tgan mavsumni hisobga olgan holda «rossonerlar»ning A Seriyadagi "mag'lubiyatsiz seriyasi" 20 taga etdi. O'tkazilgan 20 uchrashuvning 15 tasida g'alaba, 5 tasida durang natijasi qayd etildi.