Mourino ilk marotaba Gvardiolani ketma-ket ikki uchrashuvda mag'lub etdi

Londonning «Tottenxem» klubi APLning 9-tur doirasida «Manchester Siti» klubini 2:0 hisobida mag'lubiyatga uchratdi.

Joze Mourino o'z faoliyati davomida ilk marotaba Xosep Gvardiolani ketma-ket ikki uchrashuvda mag'lubiyatga uchratganligi haqida Squawka portali xabar bermoqda.

Ushbu murabbiylar shu kungacha o'zaro 24 ta uchrashuvda bahs olib borishgan. O'tkazilgan o'yinlarning 7 tasida Mourinoning qo'li baland kelgan bo'lsa, 11 ta uchrashuvda Gvardiola jamoalari g'olib chiqqan. Qolgan oltita uchrashuvda esa murosa ko'chasi tanlangan.