"Bavari" ustozi: "Uyimizga haqli ravishda bir ochko bilan qaytyapmiz"

Myunxenning "Bavariya" klubi bosh murabbiyi Xans Flik "Verder" klubi bilan qayd etilgan durang haqida fikr bildirdi.

"Biz o'zimiz xohlagan o'yinni namoyish eta olmadik. "Verder" futbolchilari bizga juda kam bo'sh hududlarni qoldirishdi. Bugun odatiy vaziyatlarimizni yarata olmadik. Ikkinchi bo'limda jamoam barchasini boshidan boshlash uchun katta kuch sarf qildi. O'tkazib yuborilgan golda biz etarlicha himoyalana olmadik. "Verder" yaxshi o'yin namoyish etdi va uyimizga haqli ravishda bir ochko bilan qaytyapmiz", - dedi murabbiy.