La liga. «Real» «Vilyarreal» bilan o'yinda g'alabani qo'ldan chiqardi

Ispaniya chempionatining 10-turi doirasida «Vilyarreal» o'z uyida «Real»ni qabul qilib, durangga imzo chekdi.

Madridliklar bahsning 2-daqiqasidayoq hisobni ochishga muvaffaq bo'lishdi. Qanotdan etkazilgan uzatmani Mariano Dias bosh bilan raqib darvozasiga joylab qo'ydi. Zidan jamoasi taym oxirigacha zich himoyalanib, raqibga hech qanday imkoniyat qoldirmadi.

Ikkinchi bo'limda esa "sariq suvosti kemasi" o'z o'yinini kuchaytirib, "Qirollik klubi" darvozasiga oldida xavfli vaziyatlar yarata boshladi. Bahsning 75-daqiqasida esa Chukvueze darvozabon bilan yakkama-yakka vaziyatga chiqqan bo'lsa, Kurtua uni yiqitdi. Belgilangan penaltini Jerar Moreno aniq amalga oshirib, hisobni tenglashtirdi.

Qolgan daqiqalarda jamoalar xarchand urinishmasin, darvozalarga boshqa to'p kiritilmadi. Ayniqsa, zaxiradan maydonga tushgan Takefusi Kubo o'z jamoasi — "Real"ni ayadi. U yakkama-yakka vaziyatda Kurtuani dog'da qoldira olmadi.

Ushbu durang tufayli "Vilyarreal" o'z ochkolarini 19taga etkazib, La liga jadvalida 2-pog'onani saqlab qoldi. "Real" esa 17 ochko bilan 4-o'rinda qoldi.

Ispaniya La ligasi, 10-tur
Vilyarreal – Real Madrid 1:1 (0:1)
Gollar: 0:1 – 2 Mariano Dias, 1:1 – 76, penalti Jerar Moreno.
Vilyarreal – Asenxo, Albiol, Pau Torres, Mario Gaspar (Penya, 89), Pedrasa (Pino, 61), Trigeros (Estupinyan, 61), Parexo, Iborra, Moyses Gomes (Kubo, 89), Bakka (Chukvueze, 61), Jerar Moreno.
Real Madrid – Kurtua, Mendi, Varan, Nacho, Karvaxal, Edegor (Isko, 65), Kroos, Vaskes, Modrich, Azar (Vinisius Junior, 65), Mariano Dias (Asensio, 85).
Ogohlantirishlar: Nacho (68), Pino (90), Kroos (90).