Frantsiya chempionatining oktyabr oyidagi eng yaxshi futbolchisi e'lon qilindi

"Lill" yarim himoyachisi Jonatan Bamba Frantsiya chempionatining oktyabr oyidagi eng yaxshi futbolchisi sifatida tan olindi. Futbolchilar kasaba uyushmasi tomonidan o'tkazilgan so'rovnomada u 41% ovoz to'pladi.

24 yoshli Bamba oktyabr oyida bitta gol urdi va 3ta golga uzatma berdi. "Lill" esa musobaqa jadvalida 2-o'ringa ko'tarilib oldi.

Mazkur so'rovnomada Jonatan "PSJ" hujumchisi Kilian Mbappeni ortda qoldirdi. Frantsiyalik futbolchi o'tgan oyda 6ta gol va 2ta uzatma muallifiga aylangan edi. "Monako" forvardi Vissam Ben-Yedder esa oktyabrda 2ta gol muallifiga aylandi.

Eslatib o'tamiz, "Mets" futbolchisi Ibrohim Nyan sentyabr oyida Liga 1'ning eng yaxshi o'yinchisiga aylangan edi.

Manba: ua-football.com