Gazizov: «O'runov kelajakda Evropaning juda kuchli jamoasida o'ynaydi»

«Spartak» bosh direktori Shamil Gazizov "Chempionat"ga bergan intervyusida jamoaning 19 yoshli futbolchisi Oston O'runov haqida o'z fikrini bildirib o'tdi.

— O'runov — yuqori saviyadagi futbolchi. Shu paytgacha u bilan birga ishlaganlarning barchasi buni bilishadi. Rossiyada bunday saviyadagi futbolchi ko'p emas.

— Muxlislar qachon uni maydonda ko'rishadi?
— Bu menga bog'liq savol emas. U ko'p o'yinda maydonda to'liq harakat qilmadi. Mamlakat peshqadami «Zenit»ga qarshi bahsda O'runov har tomonlama yaxshi o'ynadi. U o'zini yo'qotib qo'ymadi. Amalda bu uchrashuv uning uchun debyut o'yin bo'ldi. Bu pozitsiyada undan nima xohlashadi? U barchadan to'pni olib qo'yishini, gol urishini, hammani aldab o'tishinimi? O'runov — universal futbolchi. Ha, u hozircha raqobatda yutqazyapti, ammo hozircha. Agar «Spartak»ni olib qaraydigan bo'lsak, birinchi kundanoq jamoaga kirishib ketgan o'yinchini topish qiyin.

— Shuning uchun uni «Gerta»ga bermadingizmi?
— Biz uni darhol sotib yuborish uchun xarid qilmagandik. O'runovga talab bor va bundan keyin ham bo'ladi. Oston Evropaning juda kuchli jamoasida o'ynaydi, «Spartak» esa uni yanada kuchli qiladi. Transfer oldidan men Tedeskodan so'radim: «U bizga kerakmi?» Domeniko transferga rozilik berdi.

— Agar u qarshi bo'lganida-chi?
— U holda O'runov boshqa jamoa safiga o'tgan bo'lardi. Ishoning, keyin bundan afsuslanardik. Bu variant men uchun yomon bo'lardim: men zo'r futbolchini raqib jamoaga berib qo'yishni istamasdim. Bunday qilolmayman.