«Millatlar Ligasi»da nima gaplar? Yarim final ishtirokchilari kim? Musobaqa zararlimi?

Stadion.uz ko'pchilikka manzur kelmayotgan «Millatlar Ligasi» musobaqasi qanday ko'rinish olgani, g'oliblik uchun da'vogarlar va guruhlardagi ahvol bilan atroflicha tanishtirib o'tadi.

Bu mavsum yangi g'olib bo'ladi

- Portugaliya hal qiluvchi bahsda Frantsiyaga mag'lub bo'ldi va yarim finalda ishtirok etish huquqidan mahrum bo'ldi. Demak, 2021 yilning 6-10 oktyabr sanalarida biz kuchli to'rt jamoa - Frantsiya, Italiya, Ispaniya va Belgiya o'rtasidagi o'yinlarni tomosha qilamiz.

- Manchinini o'zga sayyoraliklar bilan almashtirib qo'yishgan shekilli. Boshqachasiga Italiyaning 22 ta o'yindan beri davom etayotgan mag'lubiyatsiz tseriyasini tushuntirib berishning imkoni yo'q. Ular Lippi davridagi mag'lubiyatsiz 25 ta o'yin tseriyasiga tobora yaqinlashib kelishmoqda.

- 2019 yilda yarim finalda Portugaliya, Gollandiya, Shveytsariya va Angliyali ishtirok etgan edi. Bu mavsumda ularning hech biri hal qiluvchi bosqichga etib kelgani yo'q. Ushbu musobaqaning hamma jamoalar uchun munosib raqiblar mavjud.

- Musobaqaning omadsiz ishtirokchisi deb Angliyani ko'rsatishimiz mumkin. Ular Daniya bilan bir xil ochko jamg'arib ham 3-o'rinda qolib ketishdi. Shuningdek Germaniya ham ancha og'ir ahvoldagi Ispaniyaga 6:0 hisobida engildi. Ukrainaga mag'lub bo'lgan jamoadan buncha gol olib chiqish oson emas. Shuningdek, Gollandiya ham yarim final yo'llanmasiga yaqin edi, biroq Italiyadan birgina punkt evaziga ortda qolishdi.

Bosniya , Shvetsiya, Islandiya jamoalari «B» divizioniga ravona bo'ladi. Shuningdek, Ukraina yoki Shveytsariyadan biri ham ular qatoriga qo'shilishi kutilmoqda. Gap shundaki, Shveytsariyalik shifokorlar Shevchenko shogirdlariga maydonga chiqish uchun ruxsat bermadi. Voqealar rivoji qanday ko'rinish olishi esa to'liqligicha UEFAga bog'liq. Muammo hal etish uchun faqat ikkita yo'l bor. Yo Ukrainaga texnik mag'lubiyat yoziladi, yoki noodatiy uslubga murojaat etiladi. Sababi, 2021 yilda ushbu o'yinlarni o'tkazish uchun UEFA da bo'sh kun yo'q.

Kimlar elitaga yo'l oladi? Kimlar pastga quladi?

- Rossiya so'nggi ikki turdagi mag'lubiyat sababli yuqori elitaga chiqish imkoniyatini Vengriyaga topshirib qo'ydi. Shuningdek, Avstrya elitaga yo'l olishni uddaladi. Ular guruhlaridagi Norvegiya va Ruminiyadan ustun kelishdi. Shuningdek, musobaqadagi Uelsning ishtirokini alohida e'tirof etish lozim. Giggz shogirdlari 6 ta o'yinning 5 tasida g'alaba qozonishdi. Shuningdek, bir bor durang qayd etishdi. Bunday natijani faqat JChning amaldagi g'oliblarigina takrorlay olishdi.

- 4-diviziondagi omadlilar qatorida Gibraltar va Farer orollarini alohida e'tirof etish lozim. Ular o'zlari ishtirok etishgan guruhlarda g'alaba qozonishga muvaffaq bo'lishdi.

- 3-divizionda Albaniya, Sloveniya va Chernogoriya g'alaba qozonishga muvaffaq bo'ldi. Ularning yuqoriroq darajada to'p surishlariga shubha yo'q edi. Shu bois, ularning bir daraja ko'tarilgani hech kimda savol uyg'otgani yo'q. Shu o'rinda, Lyuksemburgni alohida e'tirof etish lozim. Ular hatto mehmonda Chernogoriya ustidan g'alaba qozonishdi, biroq hal qiluvchi o'yinlarda Kiprga imkoniyat boy berildi. Azerbayjon bilan durang o'ynaldi.

- Armaniston terma jamoasining kutilmagan yurishini alohida e'tirof etish lozim. Ular Gruziya va Estoniyani ortda qoldirishdi va endi Rossiya bilan bir guruhdan joy olishlari mumkin.

- Millatlar ligasi musobaqasining «B divizioni»ni Bolgariya, Turkiya, Slovakiya va Shimoliy Irlandiya termalari tark etadi. Kuchli jamoalar, biroq ularga qarshi yaxshi tayyorlangan jamoalar to'p surishdi. Afsuski, Turkiya terma jamoasi so'nggi uchrashuvlarda biroz omad etishmadi. Ularda hatto birinchi o'rinni egallash imkoni ham mavjud edi.

- Xoland uchun juda alamli musobaqa bo'lmoqda. O'z guruhida 6 ta gol bilan eng yaxshi to'purar bo'lgan 20 yoshli futbolchining jamoasi o'z divizionida qolib ketdi. Lukaku, Zaxavilardan bitta o'yin o'tkazgan bo'lsada, aynan u to'purarlikni qo'lga kiritdi.

UEFA futbolchilarning sog'lig'i bilan tavakkal qilmoqda

- Ukraina terma jamoasining naqd 11 ta futbolchisi virus yuqtirib oldi. Oqibatda, Shveytsariya bilan o'yin bekor qilindi.

- Serbiya terma jamoasining ham bir nechta futbolchisida COVID-19 aniqlandi. Milenkovich-Savich, Nikolich, Lazovich shular jumlasidan. Bunga qadar Milivoevich ham aynan shu musobaqada kasallikni yuqtirib olgan edi. 

- Uchrashuvlarni tomosha qilish huquqisiz UEFAni tasavvur qilish mushkul, biroq ushbu musobaqa qay darajada muhim? Pandemiya chog'ida futbolchilarni virusdan himoya qilish hech kimning hayoliga ham kelmayapti. Boz ustiga, jarohatlar soni ham keskin ortib ketgan. Ramos, Busketslarning jarohati o'z o'rniga. Futbolchilar olgan ortiqcha yuklamalarning o'rnini nima bilan to'ldirish mumkin? Ahir hademay klublar o'rtasidagi o'yinlarga start beriladi.

O'rtoqlik o'yinlari o'rnini rasmiy musobaqa bilan to'ldirish g'oyasi o'rinli, biroq buning pandemiya chog'ida qanday effekt berishi haqida hech kim o'ylamayapti. Futbolchilar klub tasarrufiga borish qo'shilgach, kasallanganlar soni keskin ortib ketmaydi deb kim kafolat beradi? Mehmonxona va boshqa mamlakatdagi yig'inlarda pandemiya qonun qoidalariga rioya qilish oson emas. Klub bazasidagi sharoit balki yo'qdir. Shunday bo'lsada, UEFA o'z g'oyasidan voz kechmoqchi emas. Shunday ekan, kelasi yili biz Belgiya, Ispaniya, Frantsiya va Italiya o'rtasidagi ajoyib o'yinlarni tomosha qilishni sabrsizlik bilan kutib qolamiz.