Levandovski: "45 daqiqa o'ynashim avvaldan ma'lum edi"

Polsha terma jamoasi hujumchisi Robert Levandovski Millatlar Ligasi doirasida Niderlandiya (1:2) terma jamoasidan qabul qilib olingan mag'lubiyat haqida fikr bildirdi.

"Murabbiy bilan 45 daqiqa o'ynashim borasida oldindan kelishib olgandim, chunki mushaklarimda ozgina muammo bor edi. Albatta, bugun biz Italiyaga qarshi o'yindan ko'ra yaxshiroq ko'rindik. Biz juda yaxshi hujumlar qildik va bosim o'tkazishga harakat qildik. Yujvyak o'zining asosiy sifati - tezligi bilan ajralib turdi. Gol kiritilgan vaziyatda u haqiqatan ham yaxshi o'ynadi», - dedi Levandovskiy UEFA rasmiy sayti bilan suhbatda.