Konte amalga oshmay qolgan ikkita transferini oshkor qildi

"Inter" bosh murabbiyi Antonio Konte "Chelsi"ni boshqargan paytlari ikki futbolchining xaridida muvaffaqiyatsizlikka uchragan. 

"Men juda yaxshi imkoniyatni qo'ldan boy berganman. O'sha paytda biz Lukaku va Van Deykni sotib olishga juda yaqin kelgan edik. Lekin futbolchilar bilan belgilangan maoshlar borasida kelisha olmaganmiz. Ayniqsa Lukaku transferi deyarli hal bo'lgan onda "MYu" bizdan chaqqonroq chiqib qolgan. Balki shu qarordan keyin "Chelsi"dagi faoliyatim yanayam uzaygan bo'lishi mumkin edi", - deydi murabbiy. 

Ma'lumot uchun, Konte "aristokrat" klubini debyut mavsumidayoq 2017 yilda chempion qilishga erishgan.