"Napoli" futbolchisi "Milan"ga qarshi o'yinda maydonga tushmaydi

"Napoli" hujumchisi Viktor Osimxen "Milan"ga qarshi uchrashuvda o'ynay olmaydi. Uchrashuv "A" Seriyaning 8-turi doirasida 22 noyabr kuni (Toshkent vaqti bilan 00:45) bo'lib o'tadi.

Osimxen Nigeriya terma jamoasi safida elkasidan jarohat orttirib oldi. Futbolchiga jarrohlik amaliyoti kerak bo'lmaydi, ammo, shunisi aniqki u "Milan"ga qarshi o'yingacha tiklanishga ulgurmaydi.

Ma'lumot uchun, 2020/2021 yilgi mavsumda Osimxen "Napoli" safida barcha musobaqalarda 8ta o'yin o'tkazib, 2ta gol va 1ta gollik uzatma amalga oshirdi.