Mourino - 2010 yil haqida: "Biz jamoaviy qahramon edik"

Italiyaning «Inter» klubining sobiq bosh murabbiyi Joze Mourino 2010 yilgi muvaffaqiyat haqida fikr bildirdi. O'shanda «neradzurrilar» uning qo'l ostida A Seriyada, EChLda va Italiya Kubogida g'olib chiqqandi.

«Shubhasiz, 2010 yilning 20 aprelidagi «Barselona» ustidan qo'lga kiritilgan 3:1 hisobidagi g'alaba futbolchilar uchun, men uchun va muxlislar uchun juda ajoyib bo'lgandi. Biz jamoaviy qahramon edik.

O'sha mavsum haligacha men uchun muhim ahamiyat kasb etadi. «Inter» mening, oilamning uyi bo'lgandi. Massimo Moratti do'stim edi, mening prezidentim edi. Qo'lga kiritilgan trebla fantastik darajada edi va unutilmas bo'lib qolgandi», - dedi Mourino Sole 24 bilan suhbatda.