«Barselona» 5 nafar futbolchisiga chiqish eshiklarini ko'rsatmoqchi

«Barselona» qishki transfer oynasida bir qancha futbolchilarini sotib yubormoqchi.

Diario Sport’ning xabar qilishicha, gap olti nafar futbolchi haqida ketmoqda. Katalonlar Riki Puch va Karles Alenya kabi tarbiyalanuvchilari qatori, himoyachilar Samyuuel Umtiti, Xunior Firpo, hujumchilar Mateus Fernandes va Martin Breytueytni sotuvga qo'ymoqchi.

Hammadan ko'ra Firpo ketishga yaqinroq. Unga «Inter» va «Napoli» kabi klublardan qiziqish bor. «Barselona» uning transferidan 20 million evro ishlab olmoqchi.

Umtiti esa ijara asosida boshqa jamoaga yo'l olishi mumkin. «Barselona» yozdayoq frantsiyalik futbolchini transferga qo'yishni istagandi. Hozirga kelib Umtiti o'zini Ronald Kuman jamoasida ko'rmayapti va takliflarni o'rganib chiqishga tayyor. Unga «Roma» va «Lion»dan qiziqish bor.

Breytueyt ketishni istamayapti, biroq uning agentlari variantlar qidirmoqda. Katalonlar uning uchun sarflangan 18 million evroni qoplay olmasligini tushunib turibdi. Biroq jamoa Depayga joy bo'shatish uchun bu transferga majbur.