Ali Dayi: «Umid qilaman, Ronaldu mening rekordimni yangilaydi»

Terma jamoa safidagi urgan gollari soni jahon rekordchisi hisoblangan eronlik Ali Dayi o'zining natijasiga yaqinlashib kelayotgan Krishtianu Ronaldu haqida o'z fikrini bildirib o'tdi. Dayi faoliyati davomida milliy jamoa formasida 109ta gol urgan bo'lsa, Ronalduning hisobida 102ta gol mavjud.

«Chin dildan umid qilaman, Ronaldu mening natijamni yangilaydi. Hafsalam pir bo'ladimi? Yo'q, agar Krishtianu kabi futbolchi mening natijamni yangilasa, bu men uchun faxr bo'ladi. Ronaldu — nafaqat o'z zamonasining, balki futbol tarixidagi eng yaxshi o'yinchilardan biri. U noyob iqtidor egasi.

Agar rekord yangilansa, men Krishtianuni tabriklayman. Ronalduning gollari 102taga etdi. Ishonchim komil, u mening rekordimni yangalaydi. Buning uchun u ettita gol ursa, kifoya qiladi», — dedi Dayi.