Millatlar Ligasi. Angliya safarda Belgiyaga imkoniyatni boy berdi, Italiya esa Polshadan ustun keldi

UEFA Millatlar Ligasining 5-turidan o'rin olgan so'nggi uchrashuvlar 15 noyabr, yakshanba kuni bo'lib o'tdi.

Kunning markaziy o'yini Belgiya va Angliya terma jamoalari o'rtasida kechdi. Uchrashuvning 10-daqiqasidayoq Yuri Tilemans mezbonlarni oldinga olib chiqdi. 23-daqiqada Dris Mertens jarima zarbasini aniq ijro etgan holda ikkinchi golni urdi. Ushbu hisob o'yin yakuniga qadar saqlanib qoldi. Ushbu g'alabadan keyin belgiyaliklar o'z ochkolarini 12taga etkazishdi. Angliya esa final bosqichiga chiqish imkoniyatidan mahrum bo'ldi.

Guruhning ikkinchi o'yinida Daniya terma jamoasi Kristian Eriksenning dubli evaziga Islandiyani taslim etdi. Shu tariqa yarim final taqdiri so'nggi turda Belgiya va Daniya o'rtasidagi uchrashuvda hal bo'ladi.

Italiya terma jamoasi o'z uyida Polshani qabul qildi. Uchrashuvning 27-daqiqasida Jorjino penaltini aniq ijro etgan holda maydon egalarining dastlabki golini urdi. 77-daqiqada mehmonlar Yatsek Guralskining chetlatilishidan keyin bir o'yinchi kam bo'lib qoldi. 83-daqiqada esa Italiya ikkinchi golini urdi.

Ushbu g'alabadan keyin Italiya ochkolarini 9 taga etkazib olgan holda A Liga 1-guruhida birinchi o'ringa ko'tarildi. Undan keyin pog'onada Niderlandiya (8) bormoqda. Polshada esa 7 ochko mavjud.

Millatlar ligasi, 5-tur
15 noyabr, yakshanba

Belgiya — Angliya 2:0
Gollar: 1:0 – 10 Tilemans, 2:0 – 23 Mertens.
Belgiya: Kurtua, Denaer, Alderveyreld, Vertongen, Mene, Tilemans, Vittsel, Azar, de Bryuyne, Lukaku, Mertens (Prat, 83).
Angliya: Pikford, Tripper (Sancho, 70), Chiluell (Saka, 38), Uoker, Dayer, Maunt (Kelvert-Lyuin, 69), Rays, Grilish, Henderson (Uinks, 46), Mingz, Keyn.
Ogohlantirishlar: Vittsel (44), Alderveyreld (51), Mene (54).

Italiya — Polsha 2:0
Gollar: 1:0 – 27, penalti Jorjino, 2:0 – 83 Berardi.
Italiya: Donnarumma, Acherbi, Florentsi (Di Lorentso, 89), Emerson, Bastoni, Barella, Lokatelli, Insine (ash-Shaaravi, 89), Jorjino, Bernardeski (Berardi, 64), Belotti (Okaka Chuka, 79).
Polsha: Shchensni, Glik, Bereshinski, Bednarek, Retsa, Linetti (Milik, 74), Shimanski (Zelinski, 46), Yuzvyak (Grositski, 46), Krixovyak, Moder (Guralski, 46), Levandovski.
Ogohlantirishlar: Krixovyak (26), Belotti (29), Guralski (62).
Chetlatish: Guralski (77).

Vengriya — Serbiya 1:1
Gollar: 0:1 – 17 Radonich, 1:1 – 39 Kalmar.

Sloveniya — Kosovo 2:1
Gollar: 0:1 – 58 Muriki, 1:1 – 62 Kurtich, 2:1 – 90, penalti Ilichich.

Moldova — Gretsiya 0:2
Gollar: 0:1 – 32 Fortunis, 0:2 – 41 Bakasetas.

Chexiya — Isroil 1:0
Gol: 1:0 – 7 Darida.

Avstriya — Shimoliy Irlandiya 2:1
Gollar: 0:1 – 74 Majennis, 1:1 – 81 Shaub, 2:1 – 87 Grbich.

Daniya — Islandiya 2:1
Gollar: 1:0 – 12, penalti Eriksen, 1:1 – 85 Kyartansson, 2:1 – 90, penalti Eriksen.

Manba: daryo.uz