Millatlar Ligasi. Niderlandiya 4 ta gol urilgan o'yinda g'alaba qozondi, Rossiya bir o'yinchi kam qolib Turkiyaga engildi

UEFA Millatlar Ligasining 5-turidan o'rin olgan bir qator uchrashuvlar 15 noyabr, yakshanba kuni bo'lib o'tdi.

Niderlandiya terma jamoasi o'z maydonida Bosniya va Gersegovinaga qarshi bahs yuritdi. Birinchi bo'limning dastlabki yarmida niderlandlar Jorjino Veynaldumning dubli evaziga oldinga o'tib oldi. Ikkinchi bo'lim debyutida Memfis Depay hisobni yirik ko'rinishga olib keldi. Bunga mehmonlar bitta to'p bilan javob qaytardi.

Rossiya terma jamoasi Turkiya maydoniga safar qildi. Uchrashuvni ruslar faol boshladi va 11-daqiqada Denis Cherishevning goli evaziga oldinga o'tib oldi. Biroq 24-daqiqada Andrey Semyonovning chetlatilishi o'yinning borishiga o'z ta'sirini o'tkazdi.

Kenan Karaman 26-daqiqada muvozanatni tiklagan bo'lsa, oradan ko'p o'tmay Jengiz O'nder turklarning ikkinchi golini urdi. Ikkinchi bo'lim debyutida Jenk To'sun penaltini muvaffaqiyatli amalga oshirdi. 57-daqiqada mehmonlar Daler Kuzyaevning goli orqali hisobni qisqartirishga erishdi. Shu bilan hisob o'yin yakuniga qadar o'zgarmadi.

Yana bir bahs Uels va Irlandiya terma jamoalari o'rtasida kechdi. Unda mezbonlar Devid Bruksning yagona goli evaziga uch ochkoga ega chiqdi.

Millatlar ligasi, 5-tur
15 noyabr, yakshanba
Niderlandiya — Bosniya va Gersegovina 3:1
Gollar: 1:0 – 6 Veynaldum, 2:0 – 13 Veynaldum, 3:0 – 55 Depay, 3:1 – 63 Prevlyak.
Niderlandiya: Krul, Veyndal (van Anxolt, 79), de Vrey, Blind, Dumfris (Xatebur, 64), de Yong, Veynaldum (van de Bek, 64), Klassen, Bergeys (Stengs, 89), Depay (Promes, 79), de Yong.
Bosniya va Gersegovina: Shexich, Todorovich, Sanichanin, Kolashinats, Xadjiaxmetovich, Simirot, Pyanich (Zilkich, 89), Vishcha (Tatar, 78), Krunich (Rahmanovich, 78), Goyak (Danilovich, 62), Xojich (Prevlyak, 61).
Ogohlantirishlar: Todorovich (39), Klassen (68), Sanichanin (88).

Turkiya — Rossiya 3:2
Gollar: 0:1 – 11 Cherishev, 1:1 – 26 Karaman, 2:1 – 32 O'nder, 3:1 – 52, penalti To'sun, 3:2 – 57 Kuzyaev.
Chetlatish: Semyonov (24).

Uels — Irlandiya 1:0
Gol: 1:0 – 66 Bruks.

Bolgariya — Finlyandiya 1:2
Gollar: 0:1 – 7 Pukki, 0:2 – 45 Lod, 1:2 – 68, penalti Iliev.

Belarus — Litva 2:0
Gollar: 1:0 – 5 Yablonskiy, 2:0 – 20 Ebong.

Albaniya – Qozog'iston 3:1
Gollar: 1:0 – 16 Tsikaleshi, 2:0 – 23 Ismayli, 2:1 – 24 Abiken, 3:1 – 62, penalti Manay.

Gruziya — Armaniston 1:2
Gollar: 0:1 – 33 Kazaryan, 1:1 – 65, penalti Kazaishvili, 1:2 – 86 Adamyan.

Slovakiya — Shotlandiya 1:0
Gol: 1:0 – 31 Gregush.

Makedoniya — Estoniya 2:1
Gollar: 1:0 – 29 Trichkovski, 1:1 – 52 Sappinen, 2:1 – 68 Stoyanovski.